Смачна есці, шаноўныя хлебаробы!

Ад таго, як спрацуюць аграрыі сёння, залежыць увесь будучы годі. І таму ў гарачую пару праца ў сельгаспрадпрыемствах раёна кіпіць увесь дзень. А каб добра працаваць, патрэбна падмацоўваць сілы. І ў гэтым важнейшую ролю адыгрывае своечасовае і правільнае харчаванне.

Сёння журналісты раённай газеты завіталі ў сталовую КСУП “Саўгас “Багданавічы”, каб даведацца, чым кормяць хлебаробаў. Паглядзіце і вы, колькі ўсяго смачнага прыгатавалі для іх Аляксандра Філіпчанка, Алеся Кавалёва і Ніна Ярмоленка. А якая ж духмяная выпечка!

Працаўнікам усё прыйшлося даспадобы – і гэта цудоўна. А наперадзе – плённая праца!

Алеся Шуцікава

Фотаздымкі аўтара